பேராவூரணியில் சிங்காரவேலர் பிறந்தநாள் விழா கருத்தரங்கம்
தஞ்சை மாவட்டம் பேராவூரணி பேரூராட்சி மண்டபத்தில் சிந்தனை சிற்பி சிங்காரவேலர் 164 வது பிறந்த நாள் விழா கருத்தரங்கம் தமிழ் நாடு மக்கள் விடுதலை இயக்கம் சார்பில் நடைபெற்றது. கருத்தரங்கிற்கு தமிழ் நாடு மக்கள் விடுதலை இயக்கம் தஞ்சை மாவட்ட செயலாளர் மருது. குமார் தலைமை வகித்தார்.
கருத்தரங்கில் சிங்காரவேலர் உருவப்படத்தை தமிழ் நாடு விவசாயிகள் சங்க தஞ்சை மாவட்ட துணை தலைவர் வழக்கறிஞர் வீ. கருப்பையா திறந்து வைத்தார். சிங்காரவேலரும் பொதுவுடமை கருத்துக்களும் என்ற தலைப்பில் சி. ஜெயராஜ், சிங்காரவேலரின் இன்றைய தேவை என்ற தலைப்பில் தங்க. குமாரவேல், முனைவர் ஆ. ஜீவானந்தம் ஆகியோர் பேசினர். கருத்தரங்கில் ஆர். எஸ். வேலுச்சாமி, அமரா அழகு, கவிஞர்கள் கான்முகமது, வேனுகோபால் உள்ளிட்டோர் கலந்து கொண்டனர். ரெட்டவயல் கிளை செயலாளர் முத்தையா வரவேற்றார், மதுக்கூர் கோபி நன்றி கூறினார்.
செய்தியாளர் த.நீலகண்டன்
No comments:
Post a Comment