திருவையாறு தியாகராஜர் ஆராதனை விழாவில் பங்கேற்பதற்காக தமிழக ஆளுநர் ஆர்.என்.ரவி இன்று மாலை தஞ்சாவூர் வருகிறார்.

திருவையாறு தியாகராஜர் ஆராதனை விழாவில் பங்கேற்பதற்காக தமிழக ஆளுநர் ஆர்.என்.ரவி இன்று மாலை தஞ்சாவூர் வருகிறார்.

தஞ்சாவூர் மாவட்டம் திருவையாறில் சத்குரு தியாகராஜர் சுவாமியின் 176வது ஆராதனை விழா கடந்த 6ம் தேதி தொடங்கியது. இவ்விழாவை தெலுங்கானா மற்றும் புதுச்சேரி மாநில கவர்னர் தமிழிசை சௌந்தரராஜன் துவக்கி வைத்தார். தினமும் காலை 9 மணி முதல் இரவு 10.20 மணி வரை திரளான இசைக் கலைஞர்கள் தியாகராஜ ஸ்வாமிக்கு பாடி, இசை அஞ்சலி செலுத்துகின்றனர்.  திருவிழா நாளை நிறைவடைகிறது. 

நாளை காலை பஞ்சரத்ன கீர்த்தனை வைபவம் நடக்கிறது.  விழாவில் தமிழக ஆளுநர் ஆர்.என்.  ரவி நாளை காலை 7.45 மணிக்கு  தொடங்கி வைக்கிறார். பின்னர் காலை 8.30 மணி முதல் 9 மணி வரை நாகசுரம் நிகழ்ச்சி நடைபெறும்.  பின்னர், காலை 9 மணி முதல் 10 மணி வரை, ஏராளமான இசைக் கலைஞர்கள் பங்கேற்று, பஞ்சரத்ன கீர்த்தனைகள் பாடியும், இசைத்தும் சத்குரு ஸ்ரீதியராஜ சுவாமிக்கு இசை அஞ்சலி செலுத்துவார்கள்.  

பின்னர், ஸ்ரீதியாகராஜ சுவாமிக்கு அபிஷேகம் நடைபெறும். தொடர்ந்து, காலை 10 மணிக்கு நாகசுரம், 10.30 மணிக்கு விசாக ஹரி குழுவினரின் ஹரி கதி, 11 மணிக்கு தாமல் ராமகிருஷ்ணா உபன்யாசம் உள்ளிட்ட இசை நிகழ்ச்சிகள் இரவு 10.20 மணி வரை நடக்கிறது.  இதேவேளை இரவு 8 மணிக்கு தியாகராஜ சுவாமி வீதி உலாவும் இடம்பெறவுள்ளது.

விழாவில் பங்கேற்பதற்காக தமிழக ஆளுநர் ஆர்.என்.ரவி இன்று மாலை தஞ்சாவூர் வருகிறார்.  

தஞ்சையில் உள்ள தனியார் விடுதியில் தங்கி, வணிகர் மற்றும் வணிகர் சங்க பிரதிநிதிகளை சந்திக்கிறார்.பின்னர் நாளை காலை பஞ்சரத்ன கீர்த்தனா வைபவத்தில் பங்கேற்று விடுதிக்கு திரும்பிய பிறகு விவசாய சங்க பிரதிநிதிகளை சந்திக்கிறார்.  அதன்பின், மதியம் திருச்சிக்கு புறப்பட்டு, விமானம் மூலம் சென்னை சென்றார். ஆளுநர் வருகையையொட்டி தஞ்சாவூர் மற்றும் திருவையாறில் பலத்த போலீஸ் பாதுகாப்பு போடப்பட்டுள்ளது.